Թուրքիայի Սվազի (Սեբաստիա) Գյուրուն քաղաքի Փընարյոնու թաղամասում գտնվող Սուրբ Մարիամ Աստվածածին եկեղեցին վերականգնվելու է: Այս մասին որոշում են ընդունել թուրքական իշխանությունները' Թուրքիայի մշակույթի և զբոսաշրջության նախարարության ու Սվազի նահանգապետարանի նախաձեռնությամբ: Ermenihaber.am կայքի փոխանցմամբ' քաղաքապետ Մեհմեդ Ակթաշը նշել է, որ նախաձեռնությունն այդ շրջանում զբոսաշրջության զարգացման նպատակով է:
19-րդ դարում կառուցված հայկական եկեղեցին նախկինում որպես բանտ է օգտագործվել, ապա կինոթատրոն ու պահեստ: Վերականգնումից հետո այն կվերածվի քաղաքային թանգարանի: